Saúde Mental FEAFES Galicia pon a disposición das empresa unha rede de persoal técnico de orientación laboral, preparadores/as e prospectores/as de emprego, distribuídos/as polas principais cidades galegas e que traballan cunha bolsa de emprego de 2.287 demandantes en toda Galicia. Somos Centro Colaborador do Servizo Público de Emprego dende o ano 2002 e Axencia de Colocación dende o 2013.
OFRECEMOS ÁS EMPRESAS:
- Análise de postos de traballo
- Selección de persoas candidatas axustadas ao perfil do posto
- Formación a medida na empresa a través das prácticas non laborais
- Apoio e seguimento para o mantemento do posto de traballo
INFORMAMOS E ASESORAMOS SOBRE:
- Axudas e subvencións
- Bonificacións (para máis información, pica aquí)
- Como acreditarse para cumprir coa RSC (se queres ser unha empresa Socialmente Responsable, temos a información que precisas aquí)
De xeito complementario, desenvolvemos programas de emprego como o “Programa de Emprego con Apoio”, financiado pola Consellería de Política Social e do que as empresas poden beneficiarse. Tamén temos a disposición de todos os nosos colaboradores e colaboradoras un Servizo de Asesoramento Xurídico para dar resposta a posibles dúbidas ou cuestións de carácter legal.
E se tes dúbidas ou precisas máis información, non dubides en contactar connosco aquí.